ശക്തമായ മഴ നെയ്യാര്‍ അണക്കെട്ടിലേക്കുള്ള ഷട്ടറുകള്‍ ഉയര്‍ത്തി

കാട്ടാക്കട: തുടര്‍ച്ചയായുള്ള മഴയില്‍ നെയ്യാർ അണക്കെട്ടിലേക്കുള്ള നീരൊഴുക്ക് ശക്തമായതിനെ തുടര്‍ന്ന് ഷട്ടറുകള്‍ കൂടുതൽ ഉയര്‍ത്തി. ഇതിനെത്തുര്‍ന്ന് നാല് ഷട്ടറുകളും18 ഇഞ്ച് വീതം ഉയർത്തിയിട്ടുണ്ട്. മഴ ശക്തമായി തുടർന്നാൽ വീണ്ടും ഉയര്‍ത്തേണ്ടിവരും. ഇത് നെയ്യാര്‍ നിറഞ്ഞൊഴുകുന്നതിനും കൃഷിനാശത്തിനും ഇടയാക്കും. ഡാമിൽ 84.7 മീറ്ററായിരുന്ന ജലത്തി​െൻറ അളവ് ശനിയാഴ്ച 84.50 മീറ്ററിലേെക്കത്തി. 84.75 മീറ്ററാണ് സംഭരണശേഷി. മൂന്നാഴ്ച മുമ്പ് നാല് ഷട്ടറുകളും രണ്ട് ഇഞ്ച്‌ വീതമായിരുന്നു ആദ്യം ഉയര്‍ത്തിയിരുന്നത്. പിന്നീടത് ആറ് ഇഞ്ച് വീതം ഉയർത്തി ജലനിരപ്പ് ക്രമീകരിച്ചു. വീണ്ടും ജലനിരപ്പ് ഉയർന്ന് ഷട്ടറുകൾ ഉയർത്താൻ സാധ്യതയുള്ളതിനാൽ നെയ്യാറി​െൻറയും കനാലുകളുടെയും സമീപപ്രദേശങ്ങളിൽ താമസിക്കുന്നവർ ജാഗ്രതപാലിക്കണമെന്ന് അസിസ്റ്റൻറ് എൻജിനീയർ വിനോദ് അറിയിച്ചു.