ക്ഷേത്ര കാണിക്കവഞ്ചി കുത്തിത്തുറന്ന് മോഷണം

കിളിമാനൂർ: നഗരൂർ ആൽത്തറമൂട് തണ്ണിക്കോണം മുടിവിളാകം ദേവീക്ഷേത്രത്തിലെ കാണിക്കവഞ്ചി കുത്തിത്തുറന്ന് പണം കവർന്നതായി പരാതി. കഴിഞ്ഞ ഒമ്പതിന് രാത്രിയിലാണ് സംഭവം. 2014 മുതൽ തുടർച്ചയായി ഈ കാണിക്കവഞ്ചി പൊളിച്ച് പണം കവർന്നിട്ടുള്ളതായും പരാതികൾ നൽകിയെങ്കിലും ഒരിക്കൽപോലും പ്രതികളെ കണ്ടെത്താൻ ആറ്റിങ്ങൽ പൊലീസ് തയാറായിട്ടില്ലെന്നും സി.ഐക്ക് ക്ഷേത്രം സെക്രട്ടറി ജി. സുദർശനൻ നൽകിയ പരാതിയിൽ പറയുന്നു.