സർവേ വൻ വിജയമെന്ന് മേയർ

തിരുവനന്തപുരം: അക്ഷരശ്രീ പദ്ധതിയുടെ ഭാഗമായി തിരുവനന്തപുരം നഗരസഭയിൽ ജനപങ്കാളിത്തത്തോടെ നടന്ന സർവേ പ്രവർത്തനങ്ങൾ വിജയിപ്പിച്ച മുഴുവൻ ആളുകളെയും മേയർ അഡ്വ.വി.കെ. പ്രശാന്ത് അഭിനന്ദിച്ചു. ചരിത്രത്തിൽ ആദ്യമായാണ് തദ്ദേശസ്വയംഭരണ സ്ഥാപനത്തി​െൻറ നേതൃത്വത്തിൽ ഒരുദിവസംകൊണ്ട് നഗരപരിധിയിലെ മുഴുവൻ വീടുകളും സന്ദർശിച്ച് നിരക്ഷരരെ കണ്ടെത്തുന്നതിനായുള്ള സർവേ പൂർത്തീകരിച്ചതെന്നും ഈ പ്രവർത്തനത്തിന് ലഭിച്ച ജനപിന്തുണയാണ് ഈ നേട്ടം കൈവരിക്കുന്നതിന് സഹായിച്ചതെന്നും മേയർ പറഞ്ഞു. സർവേയുടെ ലഭിച്ചവിവരങ്ങൾ വിശകലനംചെയ്ത് സാക്ഷരതാ പ്രവർത്തനത്തിന് രൂപം നൽകുമെന്നും അദ്ദേഹം കൂട്ടിച്ചേർത്തു.