'ഗാനമേളകളില്‍ നിന്ന്​ റോയല്‍റ്റി ആവശ്യ​െപ്പടുന്നതിനെതിരെ സമരം'

കൊല്ലം: ഗാനമേളകളില്‍ നിന്ന് ചില സംഘടനകള്‍ റോയല്‍റ്റി ആവശ്യപ്പെടുന്നതിനെതിരെ സർവകലാസംഘം സംസ്ഥാന കമ്മിറ്റി സമരം നടത്തും. സമരത്തി​െൻറ ഭാഗമായി ചൊവ്വാഴ്ച രാവിലെ ചിന്നക്കട ഹെഡ്‌ പോസ്‌റ്റ് ഒാഫിസിനുമുന്നില്‍ എല്ലാവിഭാഗം കലാകാരന്മാരെയും പങ്കെടുപ്പിച്ച് ധര്‍ണ നടത്തുമെന്ന് സംസ്ഥാന ജനറല്‍സെക്രട്ടറി ജി.കെ. രാജു വാര്‍ത്തസമ്മേളനത്തില്‍ അറിയിച്ചു. പ്രതിഷേധത്തി​െൻറ ഭാഗമായി കലാപരിപാടികളും നടത്തും. സി.ഐ.ടി.യു ജില്ല സെക്രട്ടറി എസ്. ജയമോഹന്‍ ഉദ്ഘാടനം ചെയ്യും. ഷാജി കൊട്ടാരക്കര അധ്യക്ഷത വഹിക്കും. എം. നൗഷാദ് എം.എല്‍.എ, പ്രഫ. വസന്തകുമാര്‍ സാംബശിവന്‍, കേരളകുമാര്‍ തുടങ്ങിയവര്‍ സംസാരിക്കും. വാര്‍ത്തസമ്മേളനത്തില്‍ ഷാജി കൊട്ടാരക്കര, അശ്വിന്‍ പി.എ, വൃന്ദാ പ്രദീപ്, മധു ബ്രഹ്മശ്രീ എന്നിവരും പങ്കെടുത്തു.