'വിജ്​ഞാനവസന്തം' ഇന്ന്​ സമാപിക്കും

തിരുവനന്തപുരം: കേരള ഭാഷാ ഇൻസ്റ്റിറ്റ്യൂട്ട് വി.ജെ.ടി ഹാളിൽ സംഘടിപ്പിക്കുന്ന പുസ്തകോത്സവം 'വിജ്ഞാനവസന്തം' ചൊവ്വാഴ്ച സമാപിക്കും. അപൂർവമായ പുസ്തകശേഖരം വായനക്കാർക്ക് മുന്നിൽ അവതരിപ്പിക്കുകയാണ് ലക്ഷ്യം. മേളയോടനുബന്ധിച്ച് വി.ജെ.ടി ഹാൾ പരിസരത്ത് സൗജന്യ പുസ്തക കോർണർ വായനക്കാർക്കായി ഒരുക്കിയിരുന്നു. പുസ്തകങ്ങൾക്ക് 60 ശതമാനം വരെ ഇളവ് നൽകുന്നുണ്ട്.