പരമ്പര സംവിധായകനെതിരെ വനിത കമീഷൻ കേസ്​

തിരുവനന്തപുരം: ഫ്ലവേഴ്സ് ചാനൽ സംേപ്രഷണം ചെയ്യുന്ന 'ഉപ്പും മുളകും' പരമ്പര സംവിധായകന്‍ ആര്‍. ഉണ്ണികൃഷ്ണനെതിരെ വനിത കമീഷന്‍ സ്വമേധയ കേസെടുത്തു. നടി നിഷാ സാരംഗി​െൻറ വെളിപ്പെടുത്തലുകളെ തുടര്‍ന്നാണ് കേസ്. സംവിധായകൻ തന്നോട് മോശമായി പെരുമാറിയെന്നും ഇതിനെ എതിര്‍ത്തപ്പോൾ മാനസികമായി പീഡിപ്പിച്ചെന്നും കാരണമില്ലാതെ സീരിയലില്‍നിന്ന് നീക്കം ചെയ്തെന്നും നിഷ ആരോപിച്ചിരുന്നു. തുടര്‍ന്നാണ് വനിത കമീഷൻ നടപടി. നിഷ പരമ്പരയിൽ തുടർന്നും അഭിനയിക്കുമെന്നാണ് ചാനൽ അധികൃതർ പറയുന്നത്. എന്നാൽ, സംവിധായകനെ മാറ്റാതെ അഭിനയിക്കില്ലെന്ന നിലപാടിലാണ് നിഷ. സംവിധായകനെതിരെ മറ്റ് പല നടികളും രംഗത്തെത്തിയിട്ടുണ്ട്.