ആയുർവേദ ഒാഫിസേഴ്​സ്​ അസോ. സംസ്​ഥാന സമ്മേളനം 13,14 തീയതികളിൽ

തിരുവനന്തപുരം: കേരള സ്റ്റേറ്റ് ഗവ. ആയുർവേദ മെഡിക്കൽ ഓഫിസേഴ്‌സ് അസോസിയേഷൻ 36ാമത് സംസ്ഥാന സമ്മേളനവും 60ാമത് വാർഷികാഘോഷങ്ങളുടെ സമാപനവും ജൂലൈ 13,14 തീയതികളിൽ തിരുവനന്തപുരത്ത് അപ്പോളോ ഡിമോറയിൽ നടക്കുമെന്ന് അസോസിയേഷൻ ജനറൽ സെക്രട്ടറി ഡോ. ഷർമദ് ഖാൻ അറിയിച്ചു. വെള്ളിയാഴ്ച ഉച്ചക്ക് 1.30ന് മന്ത്രി സി. രവീന്ദ്രനാഥ്‌ ഉദ്ഘാടനം ചെയ്യും. മാധ്യമ സെമിനാറോടുകൂടി സമ്മേളനം ആരംഭിക്കും. ബി. സത്യൻ.എം.എൽ.എ മുഖ്യപ്രഭാഷണം നടത്തും. വൈകുന്നേരം നടക്കുന്ന സംസ്ഥാന കൗൺസിൽ രക്ഷാധികാരി ഡോ. തൊടിയൂർ ശശികുമാർ ഉദ്ഘാടനം ചെയ്യും. ശേഷം റിപ്പോർട്ടിന്മേൽ ചർച്ചയും പുതിയ ഭാരവാഹികളെ തെരഞ്ഞെടുക്കലും.14ന് രാവിലെ 10ന് 60ാം വാർഷികാഘോഷ സമാപനം വി.എസ്. അച്യുതാനന്ദൻ ഉദ്ഘാടനം ചെയ്യും. തുടർന്ന്, പ്രതിനിധി സമ്മേളനം മന്ത്രി കടകംപള്ളി സുരേന്ദ്രനും ഉച്ചക്ക് നടക്കുന്ന സെമിനാർ മന്ത്രി രാമചന്ദ്രൻ കടന്നപ്പള്ളിയും ഉദ്ഘാടനം ചെയ്യും.