പാപ്പനംകോട് എസ്​റ്റേറ്റിലെ സിഡ്കോയുടെ വ്യവസായ യൂനിറ്റിൽ തീപിടിച്ചു

നേമം: . ഞായറാഴ്ച വൈകീട്ട് 3.30നാണ് സംഭവം. സിഡ്കോയുടെ പ്രഷർ ഡൈ കാസ്റ്റിങ് യൂനിറ്റിലെ സ്റ്റീൽ ഫർണിചർ വിഭാഗത്തിലാണ് തീപിടിച്ചത്. അവധി ദിവസമായതിനാൽ ആളപായമില്ല. യൂനിറ്റിൽ തീപടർന്ന ചൂടുകാരണം ആസ്ബസ്റ്റോസ് പൊട്ടി തെറിക്കാൻ ആരംഭിച്ചത് നാട്ടുകാരുടെ ശ്രദ്ധയിൽപെട്ടതോടെ അഗ്നിശമന സേനയെ വിവരമറിയിച്ചു. ചെങ്കൽ ചൂളയിൽനിന്ന് സ്റ്റേഷൻ ഓഫിസർ അശോക് കുമാറി​െൻറ നേതൃത്വത്തിൽ രണ്ട് യൂനിറ്റുകൾ ഒരുമണിക്കൂർ കൊണ്ടാണ് തീ അണച്ചത്. തടി ഫർണിചറുകൾ, കമ്പ്യൂട്ടർ, അലമാരിയിലെ രേഖകൾ എന്നിവ കത്തിനശിച്ചു. മൂന്നു ലക്ഷം രൂപയുടെ നഷ്ടം കണക്കാക്കുന്നു.