കെ.പി.എസ്.ടി.എ ധർണ സംഘടിപ്പിച്ചു

തിരുവനന്തപുരം: സർക്കാറി​െൻറ അധ്യാപക ദ്രോഹനടപടികൾ അവസാനിപ്പിക്കുക, ബ്രോക്കൺ സർവിസ് പ്രശ്നത്തിന് പരിഹാരം കാണുക, ശമ്പളപരിഷ്കരണ നടപടി ആരംഭിക്കുക തുടങ്ങിയ ആവശ്യങ്ങൾ ഉന്നയിച്ച് കെ.പി.എസ്.ടി.എ കണിയാപുരം ഉപജില്ല കമ്മിറ്റി ഉപജില്ലകേന്ദ്രത്തിൽ ധർണ സംഘടിപ്പിച്ചു. ജനറൽ സെക്രട്ടറി എം. സലാഹുദീൻ ഉദ്ഘാടനം ചെയ്തു. ഇടത് സർക്കാർ അധികാരത്തിലെത്തിയശേഷം വിദ്യാഭ്യാസമേഖല ഇഷ്ടക്കാർക്ക് തീറെഴുതി നൽകിയിരിക്കുകയാണെന്ന് അദ്ദേഹം ആരേപിച്ചു. ഉപജില്ല പ്രസിഡൻറ് രാജീവ് പി. നായർ അധ്യക്ഷത വഹിച്ചു. സി. ഭുവനേന്ദ്രൻ, എം.ആർ. മധു, എൽ. സുകുമാരൻ, എം. നജിമുദ്ദീൻ, എം. ആനന്ദക്കുട്ടൻ, ആർ.ഒ. കൃഷ്ണകാന്ത്, എ. ഹാഷിം എന്നിവർ സംസാരിച്ചു.