ഫുട്​ബാൾ മാനവരാശിയെ ഒന്നിപ്പിക്കുന്നു -പന്ന്യൻ

തിരുവനന്തപുരം: ലോക ഫുട്ബാൾ മാനവരാശിെയ ഒന്നിപ്പിക്കുന്നതാണെന്ന് സി.പി.െഎ നേതാവ് പന്ന്യൻ രവീന്ദ്രൻ. കറുത്തവനെന്നും വെളുത്തവനെന്നും വേർതിരിവില്ലാതെ നടക്കുന്ന പോരാട്ടം സ്നേഹത്തി​െൻറയും സാഹോദര്യത്തി‍​െൻറയും കളിയാണ്. ജോയൻറ് കൗൺസിൽ സാംസ്കാരികവേദിയായ നന്മയുടെ ആഭിമുഖ്യത്തിൽ നടന്ന പ്രവചനമത്സരത്തി​െൻറ സംസ്ഥാനതല ഉദ്ഘാടനം നിർവഹിക്കുകയായിരുന്നു അദ്ദേഹം. സംസ്ഥാന പ്രസിഡൻറ് ജയചന്ദ്രൻ കല്ലിംഗൽ അധ്യക്ഷത വഹിച്ചു. ജോയൻറ് കൗൺസിൽ സംസ്ഥാന ജനറൽ സെക്രട്ടറി എസ്. വിജയകുമാരൻനായർ, ഫുട്ബാൾ താരം പ്രശാന്ത് സൈമൺ, ജോയൻറ് കൗൺസിൽ സംസ്ഥാന സെക്രട്ടറി സന്തോഷ് പുലിപ്പാറ എന്നിവർ സംസാരിച്ചു. നന്മ സംസ്ഥാന സെക്രട്ടറി കെ.പി. ഗോപകുമാർ സ്വാഗതവും വി.കെ. മധു നന്ദിയും പറഞ്ഞു.