സുപ്രീംകോടതി വിധി ഇന്ത്യൻ ജനതയുടെ വിജയം -ആം ആദ്മി പാർട്ടി

തിരുവനന്തപുരം: ജനങ്ങളാൽ തെരഞ്ഞെടുക്കപ്പെട്ട സർക്കാറി​െൻറ സാധാരണ പ്രവർത്തനങ്ങൾ തടസ്സപ്പെടുത്താൻ ദില്ലി ലെഫ്റ്റനൻറ് ഗവർണർക്ക് അധികാരമില്ലെന്ന സുപ്രീംകോടതിയുടെ അഞ്ചംഗ െബഞ്ചി​െൻറ നിർണായക വിധി മൂന്ന് വർഷമായി ഗവർണർ തുടരുന്ന ഭരണഘടനാവിരുദ്ധ നടപടികൾക്കുള്ള തിരിച്ചടിയാണെന്ന് ആം ആദ്മി പാർട്ടി. ജനങ്ങളാൽ തെരഞ്ഞെടുക്കപ്പെട്ട സർക്കാറി​െൻറ അധികാരത്തിൽ കടന്നുകയറി തടസ്സങ്ങൾ സൃഷ്ടിക്കാൻ ഗവർണർക്കധികാരമില്ല. ഉദ്യോഗസ്ഥരുടെ മേൽ സർക്കാറിനുള്ള അധികാരം തിരിച്ചുകിട്ടുന്നതോടെ ജനക്ഷേമകരമായ പ്രവർത്തനങ്ങൾ കാര്യക്ഷമമായി നടത്താൻ ആം ആദ്മി സർക്കാറിന് കഴിയുമെന്നും പ്രസ്താവനയിൽ ചൂണ്ടിക്കാട്ടി.