നർത്തകരെ ക്ഷണിക്കുന്നു

തിരുവനന്തപുരം: സാംസ്കാരിക വകുപ്പിലെ ഗുരുഗോപിനാഥ് നടനഗ്രാമം ദേശീയതലത്തിൽ അവതരിപ്പിക്കുന്ന നൃത്തപരിപാടികൾക്ക് രുപവത്കരിച്ച 'ഗുരുഗോപിനാഥ് നാട്യസംഘ'ത്തിലേക്ക് നൃത്തവിദ്യാർഥികളെയും നൃത്തം അഭ്യസിച്ച യുവതീയുവാക്കളെയും ആവശ്യമുണ്ട്. നടനകലയിൽ അഭിരുചിയും പ്രഫഷനൽ രംഗത്ത് സജീവമാകാൻ താൽപര്യവുമുള്ളവരെയാണ് പരിഗണിക്കുക. പരിശീലനവേളയിൽ സ്റ്റൈപ്പൻറും തുടർന്ന്, കരാർ പ്രകാരം നിയമനവും നൽകും. 30 അംഗങ്ങൾ അടങ്ങുന്ന ഗുരുഗോപിനാഥ് നാട്യസംഘം സെപ്റ്റംബർ മുതൽ വിവിധ സംസ്ഥാനങ്ങളിൽ നൃത്തപര്യടനം ആരംഭിക്കും.