ഇരുവൃക്കയും തകർന്ന ഗൃഹനാഥൻ കരുണ തേടുന്നു

ശാസ്താംകോട്ട: ഇരുവൃക്കയും പ്രവർത്തനരഹിതമായി ഡയാലിസിസിലൂടെ ജീവൻ നിലനിർത്തുന്ന നിർധന യുവാവ് ശസ്ത്രക്രിയ നടത്താനും തുടർചികിത്സക്കും സുമനസ്സുകളുടെ കരുണതേടുന്നു. ആഴ്ചയിൽ മൂന്നുവീതം ഡയാലിസിസ് നടത്തിയാണ് ഇപ്പോൾ ഇദ്ദേഹം ജീവൻ നിലനിർത്തുന്നത്. കൊല്ലം ശൂരനാട് തെക്ക് കിടങ്ങയം നടുവിൽ പതാരം വസന്താലയത്തിൽ സുരേഷ്കുമാർ (25) ആണ് രണ്ടുവർഷമായി കിടപ്പാടം പോലും വിറ്റ് ചികിത്സിക്കുന്നത്. ദിവസക്കൂലിക്ക് കടയിൽ കണക്കെഴുതാൻ പോയാണ് ഭാര്യയും രണ്ട് മക്കളുമുള്ള കുടുംബം പുലർത്തിവന്നത്. ഇദ്ദേഹം രോഗം ബാധിച്ച് കിടപ്പിലായതോടെ കുടുംബം പട്ടിണിയിലാണ്. മരുന്നിനും ഡയാലിസിസിനുമായി പ്രതിമാസം ഭീമമായ തുക വേണ്ടിവരുന്നുണ്ട്. വൃക്ക മാറ്റിവെക്കണമെന്നാണ് ഡോക്ടർമാർ പറഞ്ഞിരിക്കുന്നത്. ഇതിനെല്ലാമുള്ള പണം എങ്ങനെ കണ്ടെത്തുമെന്നറിയാതെ വലയുകയാണ് സുരേഷ്കുമാറും കുടുംബവും. സുരേഷ്കുമാറി​െൻറ പേരിൽ കനറാ ബാങ്ക് ശാസ്താംകോട്ട ശാഖയിൽ 3537101001015 നമ്പർ അക്കൗണ്ട് ഉണ്ട്. IFSC: CNRB 0003537. ഫോൺ: 9400666077.