അഖിലേന്ത്യ കിസാൻസഭ കാട്ടാക്കട മണ്ഡലം കൺവെൻഷൻ

കാട്ടാക്കട: കാലവർഷക്കെടുതി മൂലം കൃഷിനാശം സംഭവിച്ച് ബുദ്ധിമുട്ടനുഭവിക്കുന്ന കർഷകർക്കുള്ള നഷ്ടപരിഹാരം ഉടൻ കൊടുത്തുതീർക്കണമെന്ന് അഖിലേന്ത്യ കിസാൻസഭ കാട്ടാക്കട മണ്ഡലം കൺവെൻഷൻ ആവശ്യപ്പെട്ടു. സി.പി.ഐ കാട്ടാക്കട മണ്ഡലം സെക്രട്ടറി വിളപ്പിൽ രാധാകൃഷ്ണൻ ഉദ്ഘാടനം ചെയ്തു. കിസാൻ സഭ മണ്ഡലം പ്രസിഡൻറ് ശ്രീകണ്ഠൻ നായർ അധ്യക്ഷത വഹിച്ചു. കിസാൻ സഭ ജില്ല പ്രസിഡൻറ് എൻ. ദാസുരാംഗൻ, കിസാൻ സഭ മണ്ഡലം സെക്രട്ടറി വിളവൂർക്കൽ പ്രഭാകരൻ, ടി. ശശി, രാകേഷ്, ഗോപൻ സാഗരി എന്നിവർ സംസാരിച്ചു.