പ്ലാവൂർ ഗവ. ഹൈസ്കൂളിൽ വിവിധ ക്ലബുകളുടെ ഉദ്ഘാടനം

കാട്ടാക്കട: പ്ലാവൂർ ഗവ. ഹൈസ്കൂളിൽ വിവിധ ക്ലബുകളുടെ ഉദ്ഘാടനം നടന്നു. വിക്ടേഴ്സ് ചാനൽ അവതാരകൻ ഡോ. സജിത് എം. നായർ പ്രവർത്തനോദ്ഘാടനം നിർവഹിച്ചു. പി.ടി.എ പ്രസിഡൻറ് വി. ബിനുകുമാർ അധ്യക്ഷത വഹിച്ചു. സ്കൂൾ എച്ച്.എം പുഷ്പലത സ്വാഗതവും എ.ആർ. ബിജു നന്ദിയും പറഞ്ഞു. യോഗത്തിൽ ബ്ലോക്ക് അംഗം കെ. അനിൽകുമാർ, സംഗീത സംവിധായകൻ വിജയ് കരുൺ, പി. സനോജ്, ജ്യോതിരത്നം ഷീല തുടങ്ങിയവർ സംസാരിച്ചു. ഇക്കഴിഞ്ഞ നീറ്റ് പരീഷയിൽ 759ാം റാങ്ക് വാങ്ങിയ പൂർവ വിദ്യാർഥി വിനീത് വി. നായരെ ആദരിച്ചു. കൂടാതെ മത്സ‍്യക്ലബ് തയാറാക്കിയ മാഗസി​െൻറ പ്രകാശനവും നടന്നു.