പി.ആര്‍. ദീപ്തിക്ക് കിഷോര്‍ പത്രപ്രവര്‍ത്തക അവാര്‍ഡ് സമ്മാനിച്ചു

കൊല്ലം: പത്രപ്രവര്‍ത്തകനും ഗ്രന്ഥകാരനും കാര്‍ട്ടൂണിസ്റ്റുമായിരുന്ന കിഷോറി​െൻറ സ്മരണക്കായി അനുസ്മരണ സമിതി ഏര്‍പ്പെടുത്തിയ കിഷോര്‍ പത്രപ്രവര്‍ത്തക അവാര്‍ഡ് ദേശാഭിമാനി കൊല്ലം ബ്യൂറോയിലെ സീനിയര്‍ റിപ്പോര്‍ട്ടര്‍ പി.ആര്‍. ദീപ്തിക്ക് സമ്മാനിച്ചു. എന്‍.കെ. പ്രേമചന്ദ്രന്‍ എം.പി അവാര്‍ഡ് കൈമാറി. 5001 രൂപയും ശില്‍പവും പ്രശസ്തി പത്രവും അടങ്ങുന്നതാണ് അവാര്‍ഡ്. അനുസ്മരണ സമ്മേളനം എം.പി ഉദ്ഘാടനംചെയ്തു. അനുസ്മരണ സമിതി ചെയര്‍മാന്‍ എസ്. രാജേന്ദ്രദാസ് അധ്യക്ഷതവഹിച്ചു. പ്രസ്‌ക്ലബ് പ്രസിഡൻറ് ജയചന്ദ്രന്‍ ഇലങ്കത്ത് അനുസ്മരണ പ്രഭാഷണം നടത്തി. യുവമേള പബ്ലിക്കേഷന്‍സ് ഉടമ കൊല്ലം മധുവിനെ ചടങ്ങില്‍ ആദരിച്ചു. ബെസ്റ്റ് പാര്‍ലമെേൻററിയന്‍ അവാര്‍ഡിനര്‍ഹനായ എന്‍.കെ. പ്രേമചന്ദ്രന്‍ എം.പിയെയും ആദരിച്ചു.