ബി.എസ്​സി നഴ്സിങ്​ പാരാമെഡിക്കൽ ഡിഗ്രി​: ഓൺലൈൻ സേവനങ്ങൾ പിൻവലിക്കുന്നു

തിരുവനന്തപുരം: പ്രവേശന പരീക്ഷ കമീഷണറുടെ www.cee.kerala.gov.in എന്ന ഔദ്യോഗിക വെബ്സൈറ്റിൽ ഇപ്പോൾ ലഭ്യമായ KEAM-2017/ബി.എസ്സി നഴ്സിങ് പാരാമെഡിക്കൽ ഡിഗ്രി കോഴ്സ് സംബന്ധമായ ഡാറ്റ ഷീറ്റ്, അഡ്മിറ്റ് കാർഡ് തുടങ്ങിയ ഓൺലൈൻ സൗകര്യങ്ങൾ ജനുവരി 12ന് പിൻവലിക്കും. പിന്നീട് ഈ സേവനങ്ങൾ ലഭ്യമാകില്ല. അതിനാൽ KEAM-2017/ബി.എസ്സി നഴ്സിങ് പാരാമെഡിക്കൽ ഡിഗ്രി കോഴ്സ് അപേക്ഷാർഥികൾ ഇവയുടെ പ്രിൻറൗട്ടുകൾ കൈവശമില്ലാത്ത പക്ഷം ഇപ്പോൾ ലഭ്യമായ ഓൺലൈൻ സേവനങ്ങൾ പ്രയോജനപ്പെടുത്തി ഭാവിയിലെ ഉപയോഗത്തിനുവേണ്ടി KEAM 2017 Candidate Portal/B.Sc Nursing Paramedical Courses 2017 Candidate Portal എന്ന linkൽ ലോഗിൻ ചെയ്ത് ഇവയുടെ പ്രിൻറൗട്ടുകൾ എടുത്ത് സൂക്ഷിക്കണം. ഓൺലൈൻ സേവനങ്ങൾ പിൻവലിച്ചശേഷം ഇത്തരം പ്രിൻറൗട്ടുകൾക്കുവേണ്ടിയുള്ള അപേക്ഷ പരിഗണിക്കുന്നതല്ല.