കൊല്ലം ചുവപ്പിച്ച്​ സി.പി.എം ബഹുജനറാലി

കൊല്ലം: ഉറച്ച ചുവടുകളുമായി റെഡ് വളൻറിയർമാർ...താളവാദ്യങ്ങൾക്കൊപ്പം പതാകകളേന്തി പ്രവർത്തകർ...വർഗീയതക്കും സമ്രാജ്യത്വത്തിനുമെതിരെ ഉയർന്നത് പ്രതിഷേധത്തിലെ അലകൾ...കമ്യൂണിസ്റ്റ് പ്രസ്ഥാനത്തി​െൻറ കരുത്തും ജനപിന്തുണയും വിളംബരം ചെയ്യുന്നതായി സി.പി.എം ബഹുജനറാലിയും റെഡ് വളൻറിയർ മാർച്ചും. ജില്ല സമ്മേളന സമാപത്തോടനുബന്ധിച്ച് സി.പി.എം സംഘടിപ്പിച്ച റാലിയിൽ വൻ ജനാവലിയാണ് അണിനിരന്നത്. വൈകീട്ട് നാലരയോടെ കേൻറാൺമ​െൻറ് മൈതാനിയിൽ നിന്നാരംഭിച്ച് റെയിൽേവ സ്റ്റേഷൻ, ചിന്നക്കട റെയിൽവേ മേൽപ്പാലം വഴിയാണ് റെഡ് വളൻറിയർ മാർച്ച് ആശ്രാമം മൈതാനിയിലെ സമ്മേളന നഗരിയിലെത്തിയത്. ഡി.വൈ.എഫ്.ഐ നേതാവ് എസ്. ഷബീർ, അഞ്ചൽ ബ്ലോക്ക് പഞ്ചായത്ത് പ്രസിഡൻറ് രഞ്ചു സുരേഷ് എന്നിവർ നേതൃത്വം നൽകി.