എക്സ് സർവിസസ് ലീഗ് വാർഷികം

അഞ്ചൽ: കേരള സ്റ്റേറ്റ് എക്സ് സർവിസസ് ലീഗ് പുനലൂർ താലൂക്ക് രണ്ടാംവാർഷികം സംസ്ഥാന പ്രസിഡൻറ് ബ്രിഗേഡിയർ ജി. ആനന്ദക്കുട്ടൻ ഉദ്ഘാടനം ചെയ്തു. താലൂക്ക് പ്രസിഡൻറ് കെ. ശ്രീധരൻ അധ്യക്ഷത വഹിച്ചു. ജില്ല പ്രസിഡൻറ് ആർ.ജി. പിള്ള മുതിർന്ന സൈനികരെ ആദരിച്ചു. ജില്ല സെക്രട്ടറി പി. സതീശ് ചന്ദ്രൻ മുഖ്യപ്രഭാഷണം നടത്തി. താലൂക്ക് വൈസ് പ്രസിഡൻറ് ജി. ബാലൻ പിള്ള പ്രമേയം അവതരിപ്പിച്ചു. താലൂക്ക് സെക്രട്ടറി എൻ. സദൻ, പി.എൻ. സുന്ദരേശൻ, എൻ. ശശിധരൻ പിള്ള, വി.കെ. ചെല്ലപ്പൻ നായർ എന്നിവർ സംസാരിച്ചു.