തിരുവനന്തപുരം, ചെന്നൈ സെക്ടറിൽ ഇൻഡിഗോയുടെ പുതിയ സർവിസ്​

തിരുവനന്തപുരം: ചെന്നൈക്കും തിരുവനന്തപുരത്തിനും ഇടയിൽ ഇൻഡിഗോ കൂടുതൽ വിമാന സർവിസുകൾ ആരംഭിക്കും. നിലവിലെ റൂട്ടുകളിലെ വർധിച്ചുവരുന്ന യാത്രാവശ്യങ്ങൾ നിറവേറ്റുകയാണ് ഉദ്ദേശ്യം. ഇതി​െൻറ ഭാഗമായി പുതിയ ചെന്നൈ--തിരുവനന്തപുരം വിമാന സർവിസ് ഫെബ്രുവരി 20-ന് ആരംഭിക്കും. മേഖലയിലെ ഇൻഡിഗോയുടെ മൂന്നാമത്തെ സർവിസാണിത്. ചെന്നൈയിൽനിന്ന് രാവിലെ 5.25ന് പുറപ്പെടുന്ന 6ഇ0507 വിമാനം 6.50ന് തിരുവനന്തപുരത്തെത്തും. തിരുവനന്തപുരത്തുനിന്ന് രാവിലെ 7.20ന് പുറപ്പെടുന്ന 6ഇ0513 വിമാനം 8.40ന് ചെന്നൈയിലെത്തും. ആഴ്ചയിൽ ഏഴുദിവസവും സർവിസ് ഉണ്ടായിരിക്കും.