എന്‍ഡോവ്മെൻറ്​ വിതരണവും പ്രസംഗമത്സരവും

ചിറയിൻകീഴ്: കടയ്ക്കാവൂർ പഞ്ചായത്ത് ജനുവരി 23ന് നേതാജി ജന്മദിനത്തില്‍ നേതാജി എന്‍ഡോവ്മ​െൻറ് വിതരണവും എച്ച്.എസ്.എസ്, എച്ച്.എസ്, യു.പി വിഭാഗങ്ങളിലായി പ്രസംഗമത്സരവും സംഘടിപ്പിക്കും. എച്ച്.എസ്.എസ്, എച്ച്.എസ് വിഭാഗങ്ങളില്‍ വിജയിക്കുന്ന സ്കൂളുകള്‍ക്ക് എവറോളിങ് ട്രോഫിയും, എച്ച്.എസ്.എസ്, എച്ച്.എസ് വിജയികള്‍ക്ക് ഒന്നാംസമ്മാനമായി 3000 രൂപയും രണ്ടാംസമ്മാനമായി 2000 രൂപയും നൽകും. യു.പി വിഭാഗത്തിലെ വിജയികള്‍ക്ക് ഒന്നാംസമ്മാനം 2000 രൂപയും രണ്ടാംസമ്മാനം 1000 രൂപയും സര്‍ട്ടിഫിക്കറ്റുകളും ലഭിക്കും. സ്വാതന്ത്ര്യ സമരത്തിലെ നേതാജിയുടെ സംഭാവനകളെ ആസ്പദമാക്കിയാണ് പ്രസംഗമത്സരം. കൂടുതല്‍ വിവരങ്ങൾക്ക് പഞ്ചായേത്താഫിസുമായി ബന്ധപ്പെടണം. പങ്കെടുക്കുന്ന സ്കൂളുകള്‍ സ്കൂള്‍ അധികൃതരുടെ സാക്ഷ്യപത്രത്തോടൊപ്പം ജനുവരി 17ന് മുമ്പ് രജിസ്റ്റര്‍ ചെയ്യണമെന്ന് ഓര്‍ഗനൈസിങ് ചെയര്‍മാന്‍ കെ. സുഭാഷ് അറിയിച്ചു.