നിറങ്ങളിൽ കാലം പൂത്തുലയുന്ന വരയനുഭവങ്ങൾ

തിരുവനന്തപുരം: തീർത്ത് രണ്ടാൾ ചിത്രപ്രദർശനം. റഷ്യൻ കൾച്ചറൽ സ​െൻററിലാണ് ഡോ. കെ.വി. ശ്രീകലയുടെയും കൃഷ്ണ ജനാർദനയുടെയും കഴിഞ്ഞ കാലത്തി​െൻറ ഗൃഹാതുരവും ജീവൻ തുടിക്കുന്നതുമായ സാന്നിധ്യമറിയിച്ച് പ്രദർശനം നടന്നത്. ഗവ. ഫോർട്ട് ആശുപത്രിയിലെ ഡ​െൻറൽ സർജനായ ശ്രീകലയുടെ പ്രദർശനത്തിന് 'പഴയ വെളുപ്പാൻകാലം' എന്നാണ് പേര് നൽകിയിരുന്നത്. പുലർകാലത്തെ പ്രശാന്തമായ പ്രകൃതിയും തണുപ്പ് നിറയുന്ന ഒാർമകളുമെല്ലാം നിറങ്ങളിൽ പുനരവതരിപ്പിച്ചിട്ടുണ്ട്. തിരക്കുകളിൽ ഞെരിഞ്ഞമരുന്ന ഇന്നത്തെയല്ല, കുട്ടിക്കാലത്തെ പുലർകാലയനുഭവങ്ങളാണ് ചിത്രങ്ങളിലുള്ളത്. വൃക്ഷങ്ങളുടെ കണ്ണീരും മനുഷ്യ​െൻറ എങ്ങുമെത്താത്ത ആഗ്രഹങ്ങളും രൂക്ഷമായ മാലിന്യവുമെല്ലാം ഇവിടെ കാണാം. ഡെങ്കിപ്പനി ബാധിച്ച് മൂന്നാഴ്ച കിടപ്പിലായശേഷം പുറത്തേക്കിറങ്ങിയേപ്പാഴുള്ള അനുഭവങ്ങളും വരകളിലൂടെ പ്രദർശിപ്പിച്ചിട്ടുണ്ട്. കൊല്ലം രണ്ടാംകുറ്റി സ്വദേശിയാണ് ശ്രീകല. കുട്ടിക്കാലത്തെ പച്ചയായ ഒാർമകളാണ് 'തുരുമ്പുകൾ പൂക്കുന്നിടവഴികളിലൂടെ' തലക്കെട്ടിലൊരുക്കിയ പ്രദർശനത്തിൽ കൃഷ്ണ ജനാർദന വരച്ചിടുന്നത്. മനുഷ്യ​െൻറ ഉൾവലിയലുകളെ ഒച്ചി​െൻറ ഭാവങ്ങളിലൂടെ പുനരാവിഷ്കരിക്കുന്നു. യാത്രകളും ഉറുമ്പുകളുടെ സഞ്ചാരവുമെല്ലാം പ്രദർശനത്തിൽ കാണാം. സ്വന്തം ജീവിതത്തെ 'ആത്മകഥ' എന്ന പേരിൽ വരകളിലേക്ക് പകർത്താനുള്ള ശ്രമങ്ങളുടെ തുടക്കവും പ്രദർശനത്തിലുണ്ട്. നേരത്തേ കോഴിക്കോെട്ട ആർകിടെക്ട് കോളജിൽ അസോ. പ്രഫസറായിരുന്നു കൃഷ്ണ. കൊല്ലം മയ്യനാട് സ്വദേശിയാണ്.