അധ്യാപക നിയമനാംഗീകാരവും മുൻകാലപ്രാബല്യവും: അടിയന്തരപരിഹാരം വേണം -^കെ.എസ്.ടി.യു

അധ്യാപക നിയമനാംഗീകാരവും മുൻകാലപ്രാബല്യവും: അടിയന്തരപരിഹാരം വേണം --കെ.എസ്.ടി.യു തിരുവനന്തപുരം: ഹൈകോടതി വിധിയോട് കൂടി പ്രതിസന്ധിയിലായ കേരളത്തിലെ എയ്ഡഡ് സ്കൂൾ അധ്യാപകരുടെ നിയമനത്തിന് അംഗീകാരം നൽകുന്നതിന് മുഖ്യമന്ത്രിയും വിദ്യാഭ്യാസമന്ത്രിയും ഇടപെട്ട് അടിയന്തരമായി പരിഹരിക്കണമെന്ന് കെ.എസ്.ടി.യു സംസ്ഥാന കമ്മിറ്റി ആവശ്യപ്പെട്ടു. സർക്കാറി​െൻറ ധൃതിപിടിച്ചുള്ള കെ.ഇ.ആർ ഭേദഗതിയും അതിനോടനുബന്ധിച്ച് അധ്യാപക നിയമനവുമായി ബന്ധപ്പെട്ട്് എയ്ഡഡ് വിദ്യാലയങ്ങളിൽ 1:1 നടപ്പാക്കണമെന്നും 1979ന് ശേഷം ആരംഭിച്ച വിദ്യാലയങ്ങളിൽ മുഴുവൻ തസ്തികകളിലും സംരക്ഷിത അധ്യാപകരെ നിയമിക്കണമെന്നുമുള്ള സർക്കാർ ഉത്തരവാണ് കോടതി സ്റ്റേ ചെയ്തത്. ഇതി​െൻറ അടിസ്ഥാനത്തിൽ എത്രയുംപെട്ടെന്ന് തീരുമാനമെടുത്ത് അധ്യാപകരുടെ നിയമനാംഗീകാര നടപടികൾ ത്വരിതപ്പെടുത്തണമെന്നും കെ.എസ്.ടി.യു ആവശ്യപ്പെട്ടു.