ലൈബ്രറി കൗൺസിൽ സെമിനാർ ഏഴിന്

മലയിൻകീഴ്: ലൈബ്രറി കൗൺസിൽ കാട്ടാക്കട താലൂക്ക് സംഘടിപ്പിക്കുന്ന സെമിനാർ ഏഴിന് രാവിലെ 9.30ന് ഐ.ബി. സതീഷ് എം.എൽ.എ ഉദ്ഘാടനം ചെയ്യും. മലയിൻകീഴ് ഗവ. ഗേൾസ് ഹയർ സെക്കൻഡറി സ്കൂളിൽ നടക്കുന്ന സെമിനാറിൽ താലൂക്ക് ലൈബ്രറി കൗൺസിൽ പ്രസിഡൻറ് എസ്. രാമകൃഷ്ണപിള്ള അധ്യക്ഷത വഹിക്കും. 'ബഹുസ്വരത നേരിടുന്ന പ്രശ്നങ്ങൾ' വിഷയത്തിൽ സാഹിത്യകാരൻ കെ.ഇ.എൻ. കുഞ്ഞഹമ്മദ് ക്ലാെസടുക്കും. മലയിൻകീഴ് ഗ്രാമപഞ്ചായത്ത് പ്രസിഡൻറ് എസ്. ചന്ദ്രൻനായർ, ബ്ലോക്ക് പഞ്ചായത്ത് അംഗം എൽ. അനിത, താലൂക്ക് ലൈബ്രറി കൗൺസിൽ സെക്രട്ടറി കെ. വാസുദേവൻനായർ, ലൈബ്രറി കൗൺസിൽ അംഗം ശിവപ്രസാദ് എന്നിവർ സംസാരിക്കും.