സമഗ്ര അന്വേഷണം വേണം ^ചെന്നിത്തല

സമഗ്ര അന്വേഷണം വേണം -ചെന്നിത്തല തിരുവനന്തപുരം: സെക്രേട്ടറിയറ്റിന് മുന്നില്‍ സമാധാനപരമായി സമരംചെയ്ത കെ.എസ്.യു പ്രവര്‍ത്തകരെ തലക്കടിച്ച് ഗുരുതര പരിക്കേല്‍പിച്ച പൊലീസ് ഉദ്യോഗസ്ഥര്‍ക്കെതിരെ കര്‍ശനമായ നടപടി വേണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. പ്രവർത്തകർക്കുനേരെ പൊലീസ് ജലപീരങ്കി പ്രയോഗിക്കുകയും അവരെ തലക്കടിച്ച് മാരകമായി പരിക്കേല്‍പിച്ചെന്നും അദ്ദേഹം കുറ്റപ്പെടുത്തി. സംഭവത്തെക്കുറിച്ച് സമഗ്ര അന്വേഷണം വേണമെന്നും അദ്ദേഹം പ്രസ്താവനയില്‍ ആവശ്യപ്പെട്ടു.