ടൂറിസം മേഖലയെ ശക്തിപ്പെടുത്തും ^മന്ത്രി കടകംപള്ളി സുരേന്ദ്രൻ

ടൂറിസം മേഖലയെ ശക്തിപ്പെടുത്തും -മന്ത്രി കടകംപള്ളി സുരേന്ദ്രൻ പാറശ്ശാല: ടൂറിസം മേഖലയെ കൂടുതൽ ശക്തിപ്പെടുത്തുക എന്നതാണ് സർക്കാറി​െൻറ ലക്ഷ്യമെന്ന് മന്ത്രി കടകംപള്ളി സുരേന്ദ്രൻ. പാറശ്ശാലയിൽ കെ.ടി.ഡി.സിയുടെ കീഴിൽ ആരംഭിച്ച വഴിയോര വിശ്രമകേന്ദ്രത്തി​െൻറ ഉദ്ഘാടനം നിർവഹിക്കുകയായിരുന്നു അദ്ദേഹം. ടൂറിസം മേഖലയുടെ വളർച്ചക്ക് എല്ലാ വിഭാഗം ജനങ്ങളുടെയും പിന്തുണ ആവശ്യമാണെന്ന് അദ്ദേഹം കൂട്ടിച്ചേർത്തു. സി.കെ. ഹരീന്ദ്രൻ എം.എൽ.എ അധ്യക്ഷതവഹിച്ചു. കെ.ടി.ഡി.സി ചെയർമാൻ എം. വിജയകുമാർ, പാറശ്ശാല ബ്ലോക്ക് പഞ്ചായത്ത് പ്രസിഡൻറ് വി.ആർ. സലൂജ, ഗ്രാമപഞ്ചായത്ത് പ്രസിഡൻറ് എസ്. സുരേഷ്, ജില്ല പഞ്ചായത്ത് അംഗം എസ്.കെ. ബെൻ ഡാർവിൻ, മുൻ ബ്ലോക്ക് പഞ്ചായത്ത് പ്രസിഡൻറ് കടകുളം ശശി, ഗ്രാമപഞ്ചായത്ത് അംഗങ്ങളായ സജിൻ, നീല എന്നിവർ സംസാരിച്ചു. കെ.ടി.ഡി.സി മാനേജിങ് ഡയറകടർ ആർ. രാഹുൽ സ്വാഗതവും മാർക്കറ്റിങ് മാനേജർ ജി.എസ്. രാജ് മോഹൻ നന്ദിയും പറഞ്ഞു.