സ്കൗട്ട് യൂനിറ്റ് ഉദ്​ഘാടനം ചെയ്തു

കാട്ടാക്കട: പൂവച്ചൽ സർക്കാർ വൊക്കേഷനൽ ആൻഡ് ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗത്തിൽ പുതുതായി അനവദിച്ച സ്കൗട്ട് യൂനിറ്റ് സ്കൗട്ട് ആൻഡ് ഗൈഡ് ജില്ല സെക്രട്ടറി സ്റ്റാൻലി ജോൺ ഉദ്ഘാടനം ചെയ്തു. പി.ടി.എ പ്രസിഡൻറ് പൂവച്ചൽ സുധീർ അധ്യക്ഷത വഹിച്ചു. ഭാരത് സ്കൗട്ട് ആൻഡ് ഗൈഡ് ലോക്കൽ സെക്രട്ടറി എസ്. ബിജുകുമാർ, പ്രിൻസിപ്പൽമാരായ ആർ. ബിന്ദു, കെ. നിസ, പ്രഥമാധ്യാപിക ജയന്തീ ദേവി, പി.ടി.എ ഭാരവാഹികളായ സെയ്യദ് കുഞ്ഞ്, ശ്രീകുമാർ, വിജയൻ, സ്റ്റാഫ് സെക്രട്ടറി ശ്രീകാന്ത് എന്നിവർ സംസാരിച്ചു. സംസ്ഥാനത്ത് ഹയർ സെക്കൻഡറി വിഭാഗത്തിൽ അനുവദിച്ച 10 യൂനിറ്റുകളിൽ ഒന്നാണിത്. അടുത്ത അധ്യയന വർഷത്തിൽ ഹയർ സെക്കൻഡറി വിഭാഗത്തിൽ ഗൈഡി​െൻറ യൂനിറ്റും പ്രവർത്തനം ആരംഭിക്കും.