വീടി​െൻറ വാതിൽ തകർത്ത്​ ആഭരണം കവർന്നു

പരവൂർ: വീടി​െൻറ വാതിൽ തകർത്ത് അഞ്ചുപവൻ കവർന്നു. പൂതക്കുളം കൂനംകുളം കൗസ്തുഭത്തിൽ രാജീവ​െൻറ വീട്ടിലാണ് കവർച്ച നടന്നത്. ഈ സമയം വീട്ടിൽ ആളുണ്ടായിരുന്നില്ല. പന്തൽ കോൺട്രാക്ടറായ രാജീവൻ വൈകീട്ട് നാലുമണിയോടെ വീട്ടിലെത്തിയപ്പോഴാണ് മോഷണവിവരമറിയുന്നത്. പിൻവാതിൽ തകർത്താണ് മോഷ്ടാക്കൾ അകത്തുകടന്നത്. അലമാരകളും മേശയും തകർത്ത നിലയിലായിരുന്നു. ഷോക്കേസിൽ സൂക്ഷിച്ചിരുന്ന കമ്മലുകൾ, മോതിരം, ചെയിൻ എന്നിവയാണ് നഷ്ടപ്പെട്ടത്. മറ്റൊരു അലമാരയിൽ സൂക്ഷിച്ച പണം നഷ്ടപ്പെട്ടില്ല. പരവൂർ പൊലീസ് കേസെടുത്തു.