ഉമയനല്ലൂർ ഏലായിലെ നെൽകൃഷിയിൽ നൂറുമേനി

കൊട്ടിയം: മയ്യനാട് ഹയർ സെക്കൻഡറി സ്കൂൾ വിദ്യാർഥികൾ ലയൺസ് ക്ലബുമായി ചേർന്ന് ഉമയനല്ലൂർ ഏലായിൽ നടത്തിയ നെൽകൃഷിയിൽ നൂറുമേനി വിളവ്. 'മകരക്കൊയ്ത്ത്' പേരിൽ ഉമയനല്ലൂർ ഏലായിൽ ബുധനാഴ്ച നടത്തിയ നെൽകൃഷിയുടെ വിളവെടുപ്പ് ലയൺസ് ക്ലബ് അംഗങ്ങളും കുട്ടികളും പാടശേഖരസമിതിയും അധ്യാപകരും കൃഷി വകുപ്പ് ഉദ്യോഗസ്ഥരും ചേർന്ന് ഉത്സവമാക്കി. ലയൺസ് ഇൻറർനാഷനൽ ഡിസ്ട്രിക്റ്റ് 31ഉം മയ്യനാട് ഹയർസെക്കൻഡറി സ്കൂളും ചേർന്ന് പാട്ടത്തിനെടുത്ത ആറ് ഏക്കറിലാണ് കൃഷി നടത്തിയത്. മുഖത്തല ബ്ലോക്ക് പഞ്ചായത്ത് പ്രസിഡൻറ് രാജീവ് ഉദ്ഘാടനം ചെയ്തു. മയ്യനാട് പഞ്ചായത്ത് പ്രസിഡൻറ് ലക്ഷ്മണൻ അധ്യക്ഷതവഹിച്ചു. ലയൺസ് ക്ലബ് ഭാരവാഹികളായ ജോൺ ജി. കൊട്ടറ, ഡോ. എ.ജി. രാജേന്ദ്രൻ, മയ്യനാട് പഞ്ചായത്ത് വൈസ് പ്രസിഡൻറ് ലൈല, കൃഷി അസി. ഡയറക്ടർ അംബിക, മയ്യനാട് കൃഷി ഓഫിസർ ആര്യ, സ്കൂൾ മാനേജർ വി.പി. സുഭാഷ്, പി.ടി.എ പ്രസിഡൻറ് തട്ടാമല മധു, സ്കൂൾ പ്രിൻസിപ്പൽ ബി. ഹേമ, പ്രധാനാധ്യാപകൻ യു. അനിൽകുമാർ, പാടശേഖരസമിതി ഭാരവാഹികളായ ഡോ. ശശീന്ദ്രബാബു, സന്തോഷ് ഭാസ്കർ, ബ്ലോക്ക് പഞ്ചായത്ത് അംഗം ബിപിൻ, പഞ്ചായത്ത് അംഗങ്ങളായ ഉമേഷ്, സരിത, അധ്യാപകരായ മനോജ്, ഹരീഷ് തമ്പി, കൃഷ്ണരാജ്, സ്റ്റാഫ് സെക്രട്ടറി അനിൽകുമാർ എന്നിവർ സംസാരിച്ചു. മുതിർന്ന കർഷകനായ രാമചന്ദ്രൻ പിള്ളയെയും കുട്ടി കർഷകനായ സൂരജിനെയും ചടങ്ങിൽ ആദരിച്ചു.