ഡ്രൈവേഴ്​സ്​ യൂനിയൻ സംസ്​ഥാന സമ്മേളനം തിരുവനന്തപുരത്ത്​

തിരുവനന്തപുരം: കേരള സ്റ്റേറ്റ് ട്രാൻസ്പോർട്ട് ഡ്രൈവേഴ്സ് യൂനിയൻ 41ാം സംസ്ഥാന സമ്മേളനം ഇൗമാസം 23, 24 തീയതികളിൽ തിരുവനന്തപുരത്ത് നടക്കും. സമ്മേളന നടത്തിപ്പിനായി 101 അംഗ സ്വാഗതസംഘം കമ്മിറ്റി രൂപവത്കരിച്ചു. പഴവങ്ങാടി ജങ്ഷനിൽ സ്വാഗതസംഘം ഒാഫിസ് തുറന്നു. കെ. മുരളീധരൻ എം.എൽ.എ ഉദ്ഘാടനം ചെയ്തു. യൂനിയൻ വർക്കിങ് പ്രസിഡൻറ് സണ്ണിതോമസ് അധ്യക്ഷതവഹിച്ചു. സംസ്ഥാന ജനറൽ സെക്രട്ടറി ആർ. അയ്യപ്പൻ, വൈസ് പ്രസിഡൻറ് കെ.ജി. ബാബു, ട്രഷറർ എസ്.പി. പരമേശ്വരൻ, സംസ്ഥാന സെക്രട്ടറിമാരായ കെ. ഗോപകുമാർ, എ.ഡി. ബിജു, എ. നാസർഖാൻ, ബി.എസ്. ൈശലേശൻ, പി.വി. ഡേവിസ്, വി.കെ. ഷാജൻ, എസ്. സുനിൽ കുമാർ എന്നിവർ സംസാരിച്ചു.