യു.കെ.എഫ് എൻജിനീയറിങ് നാസ്കോമുമായി ധാരണപത്രം ഒപ്പിട്ടു

കൊല്ലം: പാരിപ്പള്ളി യു.കെ.എഫ് എൻജിനീയറിങ് കോളജ് ഇന്ത്യയിലെ സോഫ്റ്റ്വെയർ കമ്പനികളുടെ അസോസിയേഷനായ നാസ്കോമുമായി ധാരണപത്രം ഒപ്പിട്ടതായി കോളജ് പ്ലേസ്മ​െൻറ് ഡയറക്ടർ അശ്വിൻ പി.ചന്ദ്രൻ വാർത്തസമ്മേളത്തിൽ പറഞ്ഞു. കഴിഞ്ഞമാസം നടന്ന യു.കെ.എഫ് എംപ്ലോയബിലിറ്റി കോൺക്ലേവിലാണ് ധാരണപത്രം ഒപ്പിട്ടത്. ഇത് കേരളത്തിലെ വിദ്യാർഥികൾക്ക് തൊഴിലധിഷ്ഠിത സാങ്കേതിക പരിശീലനം ലഭ്യമാകുന്നതിന് ഉപകരിക്കുമെന്നും അശ്വിൻ പി.ചന്ദ്രൻ പറഞ്ഞു. പ്രഫ. രശ്മി ദീപക്, പ്രഫ. വി.ആർ. രജീന്ത് എന്നിവരും വാർത്തസമ്മേളനത്തിൽ പങ്കെടുത്തു.