ഭൂമാഫിയയുടെ ഭീഷണിയെന്ന്​ പരാതി

തിരുവനന്തപുരം: സ്വത്ത് തട്ടിയെടുക്കാൻ പൊലീസി​െൻറ സഹായത്തോടെ ഒരുസംഘം ഭീഷണിപ്പെടുത്തുന്നതായി നേമം കുളത്തിന്‍കര വീട്ടില്‍ എസ്. സുശീലയും കുടുംബാംഗങ്ങളും വാർത്തസമ്മേളനത്തിൽ പറഞ്ഞു. ഇൗ വിഷയത്തിൽ ഡി.ജി.പിക്ക് പരാതിനൽകിയിട്ടും നേമം പൊലീസ് നടപടി എടുക്കുന്നില്ലെന്നും ഇവർ ആരോപിച്ചു. ഇവരുടെ സഹോദര​െൻറ ഭാര്യയുടെ പേരിലുള്ള ഏഴ് സ​െൻറ് ഭൂമി തട്ടിയെടുക്കാനാണ് നീക്കം നടക്കുന്നതത്രെ. ഭൂമിയുടെ നടത്തിപ്പ് തങ്ങളെ ഏൽപിച്ചതാണ്. എന്നാൽ, ഭൂമി വാങ്ങിയെന്ന് അവകാശപ്പെട്ട് ഗുണ്ടകളുടെ സഹായത്തോടെ ചിലർ ഭീഷണിപ്പെടുത്തുന്നു. പൊലീസ് നോക്കിനിൽക്കെ വസ്തുവകകൾ കടത്തിക്കൊണ്ടു പോകുന്നതായും വീട്ടമ്മ ആരോപിച്ചു.