സ്കൂൾ വിദ്യാർഥികളെ ആക്രമിച്ച കേസിൽ മൂന്നുപേർ അറസ്​റ്റിൽ

പാറശ്ശാല: സ്കൂൾ വിദ്യാർഥികളെ ആക്രമിച്ച കേസിൽ മൂന്നു പേരെ പാറശ്ശാല പൊലീസ് അറസ്റ്റ് ചെയ്തു. കഴിഞ്ഞ 30ന് ധനുവച്ചപുരം ബോയിസ് ഹയർ സെക്കൻഡറി സ്കൂൾ വിദ്യാർഥികളായ അശ്വൻ, വിനീഷ്, അരുൺ എന്നിവരെ ചെമ്പറ ക്ഷേത്രത്തിനു സമീപം സംഘം ചേർന്ന് മർദിക്കുകയായിരുന്നു. പാങ്കോട്ടുകോണം വലിയ കുളച്ചൽ വീട്ടിൽ വിഷ്ണു (20), ചരുവിളാകം ലക്ഷംവീട് കോളനിയിൽ സുനിൽ കുമാർ (24), മണികണ്ഠൻ (24) എന്നിവരാണ് പിടിയിലായത്. സംഭവത്തിനു ശേഷം ഒളിവിൽ പോയ ഇവരെ നെയ്യാറ്റിൻകര ഡിവൈ.എസ്പി - ഹരികുമാറിന് കിട്ടിയ രഹസ്യവിവരത്തെ തുടർന്ന് പാറശ്ശാല സി.ഐ.ബിനു, എസ്.ഐ വിനീഷ്, പൊലീസ് കോൺസ്റ്റബിൾമാരായ ജയരാജ്, ഗിരീഷ്, അനീഷ്, സതികുമാർ എന്നിവർ അടങ്ങുന്ന സംഘമാണ് പിടികൂടിയത്. മറ്റു പ്രതികൾക്കായി അേന്വഷണം ഊർജിതമാക്കിയതായി പൊലീസ് പറഞ്ഞു.