അറബിക്​ മുൻഷീസ്​ സമ്മേളനം ഇന്ന്​ തുടങ്ങും

തിരുവനന്തപുരം: കേരള അറബിക് മുൻഷീസ് അസോ. 66ാം സംസ്ഥാന സമ്മേളനം ചൊവ്വ, ബുധൻ ദിവസങ്ങളിൽ തിരുവനന്തപുരം അധ്യാപക ഭവനിൽ നടക്കും. അറബിഭാഷ പഠനം ധർമിക മുന്നേറ്റത്തിന് എന്ന പ്രമേയത്തിൽ നടക്കുന്ന സമ്മേളനം ബുധനാഴ്ച രാവിലെ 10ന് മന്ത്രി കെ.ടി. ജലീൽ ഉദ്ഘാടനം ചെയ്യുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. 11.30ന് നടക്കുന്ന വിദ്യാഭ്യാസ സാംസ്കാരിക സമ്മേളനം മന്ത്രി സി. രവീന്ദ്രനാഥ് ഉദ്ഘാടനം ചെയ്യും. പ്രതിനിധി സമ്മേളനം ചൊവ്വാഴ്ച രാവിലെ 10ന് സംസ്ഥാന ജനറൽ സെക്രട്ടറി ഇടവം ഖാലിദ് കുഞ്ഞ് ഉദ്ഘാടനം ചെയ്യും. ഭാരവാഹികളായ എം. ഇമാമുദ്ദീൻ, എം. തമീമുദ്ദീൻ, എസ്. നിഹാസ്, എ.എം. ആരിഫ് തുടങ്ങിയവർ വാർത്തസമ്മേളനത്തിൽ പെങ്കടുത്തു.