പത്ര ഏജൻറിന് വാഹനാപകടത്തിൽ പരിക്കേറ്റു

ചവറ: പത്രവിതരണം നടത്താനായി സൈക്കിളിൽ പോകുന്നതിനിടയിൽ ഏജൻറിന് വാഹനാപകടത്തിൽ പരിക്കേറ്റു. ചവറ മേനാമ്പള്ളി കുളമുള്ളയിൽ വീട്ടിൽ രാധാകൃഷ്ണപിള്ള(56)ക്കാണ് പരിക്കേറ്റത്. ശനിയാഴ്ച പുലർച്ചെ അഞ്ചോടെയായിരുന്നു സംഭവം. ശങ്കരമംഗലത്ത്നിന്ന് പത്രക്കെട്ടുമായി പോകുന്നതിനിടയിൽ മത്സ്യവുമായി പോവുകയായിരുന്ന ലോറി ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ച് വീണ ഇദ്ദേഹത്തെ സമീപത്തുള്ളവർ കൊല്ലത്തെ സ്വകാര്യ ആശുപത്രിയിലെത്തിക്കുകയും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ വിദഗ്ധചികിത്സക്കായി പ്രവേശിപ്പിക്കുകയും ചെയ്തു. ലോറി പൊലീസ് കസ്റ്റഡിയിലെടുത്തു.