അനധികൃതമായി സൂക്ഷിച്ച റേഷൻ ധാന്യം പിടികൂടി

കൊല്ലം: അനധികൃതമായി വീട്ടിൽ സൂക്ഷിച്ച 13 ചാക്ക് റേഷൻ ഭക്ഷ്യധാന്യം താലൂക്ക് സപ്ലൈ ഓഫിസറുടെ നേതൃത്വത്തിൽ നടന്ന പരിശോധനയിൽ പിടിച്ചെടുത്തു. കൊറ്റങ്കര കൊച്ചാലുംമൂട്ടിൽ ജയദേവ​െൻറ ഉടമസ്ഥതയിലുള്ള മുകളുവിള വീട്ടിൽനിന്ന് ഏഴുചാക്ക് പച്ചരിയും ആറു ചാക്ക് ഗോതമ്പുമാണ് പിടിച്ചെടുത്തത്. അരിയും ഗോതമ്പും പൊടിച്ച് 'ചൈതന്യ' എന്ന ബ്രാൻഡിൽ വിൽപന നടത്തിവരുകയായിരുന്നു. കരിക്കോട് സ്വദേശിയായ സെയ്ഫ് ആണ് റേഷൻ സാധനങ്ങൾ എത്തിച്ചുനൽകിയതെന്ന് ജയദേവൻ മൊഴിനൽകിയിട്ടുണ്ട്. നിയമവിരുദ്ധമായി റേഷൻ സാധനങ്ങൾ സംഭരിച്ചതിനും ദുർവിനിയോഗം ചെയ്തതിനും അവശ്യസാധന നിയമപ്രകാരം ഇയാൾക്കെതിരെ കേസെടുക്കാൻ െപാലീസിനോട് സിവിൽ സൈപ്ലസ് വകുപ്പ് ആവശ്യപ്പെട്ടിട്ടുണ്ട്.