Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightതണ്ണീര്‍ത്തട ദിനാചരണം, ...

തണ്ണീര്‍ത്തട ദിനാചരണം, വിദ്യാർഥികള്‍ക്കായി മത്സരം

text_fields
bookmark_border
ഓച്ചിറ: പട്ടികജാതി വികസനവകുപ്പി​െൻറ കീഴിലുള്ള ഓച്ചിറ ഗവ. ഐ.ടി.ഐയുടെയും ശാസ്ത്ര സാങ്കേതിക പരിസ്ഥിതി കൗണ്‍സിലി​െൻറയും ആഭിമുഖ്യത്തില്‍ തണ്ണീർത്തട ദിനാചരണ ഭാഗമായി ഐ.ടി. ഐയില്‍വെച്ച് ആറിന് രാവിലെ 10ന് ഹൈസ്‌കൂള്‍, പ്ലസ് ടു, ഐ.ടി.ഐ വിദ്യാര്‍ഥികള്‍ക്കായി പ്രശ്‌നോത്തരി, ചിത്രരചനാ മത്സരങ്ങള്‍ നടത്തും. ഫോൺ: 0476 - 2069122, 9497361122. ഇന്ദ്രജിത്തി​െൻറ അമ്മക്കും അനുജനും അന്തിയുറങ്ങാൻ സ്നേഹഭവനം യാഥാർഥ്യമായി പാരിപ്പള്ളി: പേപ്പട്ടികടിയേറ്റു മരിച്ച ഇന്ദ്രജിത്തി​െൻറ അമ്മക്കും അനിയനും അന്തിയുറങ്ങാൻ കാരുണ്യമൂറുന്ന മനസ്സുകളുടെ കൂട്ടായ്മയിൽ സ്നേഹഭവനം യാഥാർഥ്യമായി. പാരിപ്പള്ളി അമൃത ഹയർ സെക്കൻഡറി സ്കൂളിലെ വിദ്യാർഥിയായിരുന്ന പാരിപ്പള്ളി കോട്ടക്കേറം പണ്ടാരവിളവീട്ടിൽ മഞ്ജുവി​െൻറ മൂത്ത മകൻ ഇന്ദ്രജിത്ത് (11) കഴിഞ്ഞ വർഷം ഏപ്രിലിലാണ് പേവിഷ ബാധയേറ്റ് മരിച്ചത്. തെരുവിൽനിന്ന് എടുത്തുവളർത്തിയ നായുടെ കടിയേൽക്കുകയായിരുന്നു. കടിയേറ്റത് കാര്യമാക്കിയിരുന്നില്ല. രോഗാവസ്ഥ ഗുരുതരമായതിനെത്തുടർന്ന് ചികിത്സ തേടിയെങ്കിലും രക്ഷിക്കാനായില്ല. തിരുവനന്തപുരം മെഡിക്കൽ കോളജിൽ ചികിത്സയിൽ കഴിയവെയാണ് മരിച്ചത്. ഇന്ദ്രജിത്തി​െൻറ പിതാവ് രണ്ടുവർഷം മുമ്പ് മരിച്ചു. ഭർത്താവി​െൻറ മരണശേഷം രണ്ടു മക്കളും വൃദ്ധമാതാവുമായി ചെറുകൂരയിലാണ് കശുവണ്ടിത്തൊഴിലാളിയായ മഞ്ജു കഴിഞ്ഞുവന്നത്. ഇതിനിടെയാണ് മക​െൻറ വേർപാട് തളർത്തിയത്. സംസ്കാരച്ചടങ്ങിനെത്തിയപ്പോഴാണ് തങ്ങളുടെ സഹപാഠിയുടെ കുടുംബത്തി​െൻറ ദുരിതപൂർണമായ ജീവിതത്തെക്കുറിച്ച് അമൃത സ്കൂളിലെ വിദ്യാർഥികൾ മനസ്സിലാക്കിയത്. ഇവരുടെ കൂര നിൽക്കുന്ന സ്ഥലത്ത് നല്ലൊരു വീടു െവക്കാനുള്ള സൗകര്യമില്ലായിരുന്നു. സഹപാഠികളുടെ പരിശ്രമത്താൽ ധനസമാഹരണം നടത്തി രണ്ട് സ​െൻറ് സ്ഥലം വാങ്ങി. തുടർന്ന്, നാട്ടുകാർ പൗരസമിതി രൂപവത്കരിച്ച് പണം കണ്ടെത്തി നാല് സ​െൻറ് സ്ഥലം കൂടി വാങ്ങി. വീട് നിർമിക്കാൻ സന്നദ്ധനായി പാരിപ്പള്ളി സമുദ്ര ചാരിറ്റബിൾ ട്രസ്റ്റ് ചെയർമാനും കൺസ്ട്രക്ഷൻസ് ഉടമയുമായ റൂവൽ സിങ് മുന്നോട്ടുവന്നു. ഏഴു ലക്ഷം രൂപ ചെലവിൽ രണ്ട് മുറികൾ, അടുക്കള, ഹാൾ, ശുചിമുറി, സിറ്റൗട്ട് എന്നിവയോടുകൂടിയ വീടി​െൻറ നിർമാണം നാലു മാസം കൊണ്ട് പൂർത്തീകരിച്ചു. പെയിൻറിങ് ജോലികളടക്കം പൂർത്തീകരിച്ചാണ് നൽകിയത്. കല്ലുവാതുക്കൽ ജങ്ഷനിൽ ചേർന്ന ചടങ്ങിൽ എൻ.കെ. േപ്രമചന്ദ്രൻ എം.പി വീടി​െൻറ താക്കോൽ കൈമാറി. ജി.എസ്. ജയലാൽ എം.എൽ.എ അധ്യക്ഷത വഹിച്ചു.
Show Full Article
TAGS:LOCAL NEWS 
Next Story