ദുരിതാശ്വാസം: അബൂദബിയിൽ നിന്ന് 61 ടൺ സാധനങ്ങളെത്തി

ശംഖുംമുഖം: സംസ്ഥാനത്തെ ദുരിതാശ്വാസ കേന്ദ്രങ്ങളിൽ എത്തിക്കാൻ 61 ടൺ സാധനങ്ങളുമായി അബൂദബിയിൽ നിന്ന് ഇത്തിഹാദ് വിമാനം തിരുവനന്തപുരത്ത് എത്തി. അബൂദബി പ്രവാസി സമൂഹമാണ് സാധനങ്ങൾ അയച്ചത്. ഭക്ഷ്യവസ്തുക്കൾ, മരുന്ന്, വസ്ത്രങ്ങൾ എന്നിവയാണ് കലക്ടർ കെ. വാസുകിയുടെ പേരിൽ എത്തിയത്. വ്യാഴാഴ്ച വൈകീട്ട് നാലരക്ക് എത്തിയ സാധനങ്ങൾ ഇറക്കിയ ശേഷം വിമാനം തിരികെ കൊളംബോയിലേക്ക് പോയി.