പെന്‍ഷനുകള്‍ ലഭിക്കാത്തത് ഉദ്യോഗസ്ഥരുടെ അനാസ്ഥമൂലം -ഐ.എന്‍.ടി.യു.സി

കരുനാഗപ്പള്ളി: തയ്യല്‍ത്തൊഴിലാളികളുടെയും നിര്‍മാണത്തൊഴിലാളികളുടെയും ക്ഷേമപെന്‍ഷനുകള്‍ ഓണം കഴിഞ്ഞിട്ടും ലഭിക്കാതെ വന്നത് ഉദ്യോഗസ്ഥരുടെ അനാസ്ഥയും ബോര്‍ഡി​െൻറ പിടിപ്പുകേടും മൂലമാണെന്ന് ഐ.എന്‍.ടി.യു.സി ജില്ല പ്രസിഡൻറ് ബാബു അമ്മവീട്. കേരള നിര്‍മാണ തൊഴിലാളി കോണ്‍ഗ്രസ് ജില്ല കമ്മിറ്റി യോഗം ഉദ്ഘാടനം ചെയ്യുകയായിരുന്നു അദ്ദേഹം. അസംഘടിത തൊഴിലാളികളുടെയും പെന്‍ഷന്‍ കൃത്യസമയത്ത് കൊടുക്കാന്‍ കഴിയാത്ത ഉദ്യോഗസ്ഥര്‍ക്കെതിരെ നടപടി സ്വീകരിക്കണമെന്നും ആവശ്യപ്പെട്ടു. ജില്ല വൈസ് പ്രസിഡൻറ് കരുണാലയം സുകുമാരന്‍ അധ്യക്ഷത വഹിച്ചു. മരങ്ങാട്ട് സുനി, വേണാട്ട് ചന്ദ്രബാബു, രവി മനയ്ക്കല്‍, സബീര്‍ വവ്വാക്കാവ്, ജഗദീഷ്, സരസന്‍ മണപ്പള്ളി, സതീശന്‍, പുതുക്കാട്ട് താഹ, ശകുന്തള അമ്മവീട്, ആൻറണി സക്കറിയാസ്, പെരുമാനൂര്‍ രാധാകൃഷ്ണന്‍, പ്രസന്നന്‍ ഇടപ്പുര എന്നിവര്‍ സംസാരിച്ചു.