ബോണസ്: ധാരണയായി

കൊല്ലം: ചുമട്ടു തൊഴിലാളികളുടെ 2017-18 വര്‍ഷത്തെ ബോണസായി 20,750 രൂപയും മിനിമം കൂലിയായി 550 രൂപയും നല്‍കാന്‍ യൂനിയന്‍ ഭാരവാഹികളും തൊഴിലുടമ പ്രതിനിധികളും നടത്തിയ ചര്‍ച്ചയില്‍ ധാരണയായി. വിവിധ ലോറികളിലെ ഡ്രൈവര്‍, ക്ലീനര്‍ എന്നിവരുടെ 2017-18 വര്‍ഷത്തെ ബോണസായി ഡ്രൈവര്‍ക്ക് 8750 രൂപയും ക്ലീനര്‍ക്ക് 7750 രൂപയും നല്‍കാന്‍ തീരുമാനമായി. ജില്ലയിലെ വിവിധ ഹോട്ടലുകളിലെയും റസ്റ്റാറൻറുകളിലെയും തൊഴിലാളികളുടെ ബോണസായി വാര്‍ഷിക വേതനത്തി​െൻറ 20 ശതമാനവും എക്‌സ്‌ഗ്രേഷ്യയായി 18.5 ശതമാനവും ഉത്സവബത്തയായി ഏഴു ദിവസത്തെ ശമ്പളവും ഗുഡ്‌വില്‍ അലവന്‍സായി 350 രൂപയും ഓണം അഡ്വാന്‍സായി 2700 രൂപയും നല്‍കാന്‍ തീരുമാനിച്ചു.