പ്രളയബാധിതർക്കായി മെഡിക്കൽ കോളജിെൻറ നേതൃത്വത്തിൽ മരുന്ന്​ ശേഖരണം

തിരുവനന്തപുരം: ദുരിതാശ്വാസ ക്യാമ്പിൽ കഴിയുന്ന ഏഴര ലക്ഷത്തോളം ദുരിതബാധിതർക്കുള്ള അവശ്യമരുന്നുകൾ മെഡിക്കൽ കോളജ് ആശുപത്രിയുടെ നേതൃത്വത്തിൽ വിതരണം തുടങ്ങി. കോളജ് കേന്ദ്രമായി പ്രവർത്തിക്കുന്ന കലക്ഷൻ സ​െൻററുകളിൽ വിവിധ ആശുപത്രികളും സന്നദ്ധ സംഘടനകളും മരുന്നുകൾ എത്തിക്കുന്നുണ്ട്. ഇവിടെനിന്ന് കഴിഞ്ഞ ദിവസങ്ങളിലായി 20 കെട്ട് മരുന്നുകളാണ് തിരുവനന്തപുരം, പത്തനംതിട്ട, ആലപ്പുഴ, പറവൂർ എന്നിവിടങ്ങളിലെ ദുരിതാശ്വാസ കേന്ദ്രങ്ങളിൽ എത്തിച്ചത്. ദുരിതബാധിതർക്കുള്ള അവശ്യമരുന്നുകളും സ്ഥിരമായി കഴിക്കുന്നവയും ഉൾപ്പെടെ 36 തരം മരുന്നുകൾ അടങ്ങിയ കെട്ടുകളാക്കിയാണ് വിതരണം ചെയ്യുന്നത്.