കാരുണ്യത്തി​െൻറ സ്നേഹസ്പർശമായി വിളപ്പിൽശാല സാമൂഹികാരോഗ്യകേന്ദ്രം (പടം)

വിളപ്പിൽ: കാരുണ്യത്തി​െൻറ സ്നേഹസ്പർശമായി വിളപ്പിൽശാല സാമൂഹികാരോഗ്യകേന്ദ്രം. ഓണാഘോഷങ്ങൾ ഒഴിവാക്കി പാലിയേറ്റിവ് കെയർ രോഗികൾക്ക് ഭക്ഷ്യധാന്യ കിറ്റുകളും പ്രളയബാധിതർക്ക് ധനസഹായവും നൽകിയാണ് വിളപ്പിൽശാല ആശുപത്രി ജീവനക്കാർ സാന്ത്വനത്തി​െൻറ പുതിയ മാതൃക തീർത്തത്. പ്രതീക്ഷ ചാരിറ്റബിൾ ട്രസ്റ്റി​െൻറ സഹകരണത്തോടെയാണ് സഹായ വിതരണം നടത്തിയത്. നൂറിൽപ്പരം രോഗികൾക്കും, സമീപത്തെ ബഡ് സ്കൂളിലെ 40 ഭിന്നശേഷിക്കാർക്കും ഭക്ഷ്യധാന്യ കിറ്റുകൾ നൽകി. ഓണാഘോഷം സംഘടിപ്പിക്കാൻ ആശുപത്രി ജീവനക്കാർ സ്വരൂപിച്ച പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി. ഡെപ്യൂട്ടി സ്പീക്കർ വി. ശശി പാലിയേറ്റിവ് കുടുംബസംഗമം ഉദ്ഘാടനം ചെയ്തു. ഐ.ബി. സതീഷ് എം.എൽ.എ, പ്രതീക്ഷ ട്രസ്റ്റ് പ്രസിഡൻറ് വിളപ്പിൽ രാധാകൃഷ്ണൻ, മെഡിക്കൽ ഓഫിസർ ഡോ എലിസബത്ത് ചീരൻ, ഹെൽത്ത് സൂപ്പർവൈസർ സുശീൽ കുമാർ, സതീഷ് കുമാർ, മാധ്യമപ്രവർത്തകൻ ശിവ കൈലാസ് എന്നിവർ സംസാരിച്ചു. ചിത്രം. Photo: 20180818_121100.jpg പാലിയേറ്റിവ് കെയർ രോഗികൾക്കുള്ള ഭക്ഷ്യധാന്യ കിറ്റ് ഡെപ്യൂട്ടി സ്പീക്കർ വി. ശശി വിതരണം ചെയ്യുന്നു