തഴവ എ.വി.ഗവ. ഹൈസ്‌കൂളിന് മികച്ച പി.ടി.എക്കുള്ള അവാര്‍ഡ്

തഴവ: ഹൈസ്‌കൂള്‍ വിഭാഗത്തില്‍ വിദ്യാഭ്യാസ ജില്ലയിലെയും റവന്യൂ ജില്ലയിലെ ഏറ്റവും മികച്ച പി.ടി.എക്കുള്ള അവാര്‍ഡ് തഴവ ആദിത്യവിലാസം ഗവ. ഹൈസ്‌കൂളിന് ലഭിച്ചു. റവന്യൂ ജില്ലയിലെ മികച്ച പി.ടി.എക്ക് 60,000 രൂപയും സര്‍ട്ടിഫിക്കറ്റും കൊല്ലം വിദ്യാഭ്യാസ ജില്ലയിലെ വിജയത്തിന് 25,000 രൂപയും സര്‍ട്ടിഫിക്കറ്റുമാണ് സ്‌കൂളിന് ലഭിച്ചത്. കൊല്ലം ഗവ.ടി.ടി.ഐയില്‍ നടന്ന ചടങ്ങില്‍ റവന്യൂ ജില്ലിയിലെ അവാര്‍ഡ് മുകേഷ് എം.എല്‍.എയും കൊല്ലം വിദ്യാഭ്യാസ ജില്ലയിലെ അവാര്‍ഡ് വിദ്യാഭ്യാസ ഉപ ഡയറക്ടർ കെ.എസ്. ശ്രീകലയും സമ്മാനിച്ചു. സ്‌കൂള്‍ ഹെഡ്മാസ്റ്റര്‍ എ.കെ. സലിംഷാ, എസ്.എം.സി ചെയര്‍മാന്‍ പോണാല്‍ നന്ദകുമാര്‍, പി.ടി.എ പ്രസിഡൻറ് കെ. സതീശന്‍, വൈസ് പ്രസിഡൻറ് തഴവ സമദ് എന്നിവര്‍ ചേര്‍ന്ന് അവാര്‍ഡ് ഏറ്റുവാങ്ങി.