'ബെൻസിഗർ സപ്‌തതിവാരം'

കൊല്ലം: ആതുരസേവനത്തി​െൻറ 70 വർഷങ്ങൾ പിന്നിടുന്നതിനോടനുബന്ധിച്ച് ബിഷപ് ബെൻസിഗർ ആശുപത്രിയിൽ 13 മുതൽ 17 വരെ ആഘോഷിക്കുമെന്ന് അസോസിയേറ്റ് ഡയറക്‌ടർ ഫാ. മനോജ് ആൻറണി വാർത്തസമ്മേളനത്തിൽ അറിയിച്ചു. 13ന് രാവിലെ 9.30ന് മുൻ കൊല്ലം രൂപത മെത്രാൻ ബിഷപ് സ്‌റ്റാൻലി റോമൻ ഉദ്ഘാടനം ചെയ്യും. തുടർന്ന് 10 മുതൽ ഉച്ച ഒന്നുവരെ ഹൃദ്രോഹവിഭാഗം ഒ.പി സൗജന്യ പരിശോധന ഉണ്ടാവും. 14ന് കിഡ്‌നിവിഭാഗം, 16ന് ജനറൽ മെഡിസിൻ, 17ന് എല്ലാ വിഭാഗങ്ങളിലും ഒ.പി സൗജന്യമായിരിക്കും. 13, 16 തീയതികളിൽ ഇ.സി.ജി, ബ്ലഡ് ഷുഗർ, പ്രഷർ എന്നിവയുടെ സൗജന്യ പരിശോധനയും ഉണ്ടാവും. എക്‌സിക്യൂട്ടിവ് ചെക്കപ്പ് പാക്കേജുകൾക്ക് 1000 രൂപ ഇളവും നഴ്‌സിങ് വിദ്യാർഥികളുടെ നേതൃത്വത്തിൽ മെഡിക്കൽ എക്‌സിബിഷനും ഉണ്ടാവും. ആശുപത്രി അസോസിയേറ്റ് ഡയറക്‌ടർ ഫാ. ജോൺ പോൾ, അസി. അഡ്‌മിനിസ്‌ട്രേറ്റർ റെമിൽ യേശുദാസ് എന്നിവർ വാർത്തസമ്മേളനത്തിൽ പങ്കെടുത്തു.