കാറിടിച്ച്​ സ്വകാര്യബസ് ജീവനക്കാരൻ മരിച്ചു

കൊല്ലം: റോഡ് മുറിച്ചുകടക്കുന്നതിനിടെ സ്വകാര്യ ബസ് ജീവനക്കാരൻ കാറിടിച്ച് മരിച്ചു. ഡീസൻറ്മുക്ക് വെട്ടിലത്താഴത്ത് വീണാ ഭവനിൽ കുഞ്ഞുപിള്ളയുടെ മകൻ സതീശൻ പിള്ള (57)യാണ് മരിച്ചത്. ബുധനാഴ്ച പുലർച്ച 4.15ന് രാമൻകുളങ്ങരയിലായിരുന്നു അപകടം. പുലർച്ച ജോലിക്കായി രാമൻകുളങ്ങരയിലെ ബസ് ഷെഡിലേക്ക് പോവുകയായിരുന്നു. ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. കാർ ഒാടിച്ചിരുന്ന കോവളം സ്വദേശി രാഹുലിനെ പൊലീസ് കസ്റ്റഡിയിലെടുത്തു. സതീശൻ പിള്ളയുടെ ഭാര്യ: വനജ. മകൾ: വീണ. മരുമകൻ: നിർമൽ.