വിദേശത്തുനിന്ന്​ കടത്താന്‍ ശ്രമിച്ച രണ്ട് കിലോ സ്വര്‍ണം പിടികൂടി

വള്ളക്കടവ്: വിദേശത്തുനിന്ന് കടത്താന്‍ ശ്രമിച്ച രണ്ട് കിലോ സ്വര്‍ണം വിമാനത്താവളത്തില്‍ എയര്‍ കസ്റ്റംസ് വിഭാഗം പിടികൂടി. ഗുജറാത്ത് വഡോദര സ്വദേശി സെയ്ദാബാനുവിൽ നിന്നാണ് പിടിച്ചെടുത്തത്. ഇതിന് വിപണിയിൽ 61 ലക്ഷത്തോളം വിലവരും. ബുധനാഴ്ച രാവിലെ 8.15ന് ഷാര്‍ജയില്‍ നിെന്നത്തിയ ഇന്‍ഡിഗോ വിമാനത്തിലെ യാത്രക്കാരിയായിരുന്നു ഇവര്‍. കാര്‍ വാഷി​െൻറ മോട്ടറിനുള്ളില്‍ സര്‍ണം റിബണ്‍ രൂപത്തിലാക്കി ഒളിപ്പിച്ചിരിക്കുകയായിരുന്നു. കസ്റ്റംസി​െൻറ എക്സ്റേ പരിശോധനയില്‍ ആദ്യം സ്വര്‍ണം കണ്ടത്തൊന്‍ കഴിഞ്ഞിരുന്നില്ല. എന്നാൽ ഇന്‍ഡിഗോ വിമാനത്തില്‍ എത്തുന്ന യാത്രക്കാരി സ്വര്‍ണം കടത്തുന്നതായി രഹസ്യവിവരം കിട്ടിയിരുന്നതിനെ തുടര്‍ന്ന് നടത്തിയ വിശദ പരിശോധനയിലാണ് ഇവര്‍ പിടിയിലായത്. രണ്ട് കിലോ തൂക്കംവരുന്ന സ്വര്‍ണം 1500 സ​െൻറീമീറ്ററോളം നീളം വരുന്ന രീതിയില്‍ കനംകുറഞ്ഞ റിബണ്‍ രൂപത്തിലാക്കിയാണ് മോട്ടറിനുള്ളില്‍ ഒളിപ്പിച്ചിരുന്നത്. എയര്‍കസ്റ്റംസ് അസിസ്റ്റൻറ് കമീഷണര്‍ ജെ. ദാസി​െൻറ നേതൃത്വത്തില്‍ സൂപ്രണ്ടുമാരായ ജയരാജ്, റിയാസ്, രാമലക്ഷ്മി, ഇന്‍സ്പെക്ടര്‍മരായ സോനുകുമാര്‍, ജോസഫ്, ഗിരീഷ് മിശ്ര എന്നിവരടങ്ങുന്ന സംഘമാണ് ഇവരെ പിടിക്കൂടിയത്. ഒരാഴ്ചക്കിടെ വിദേശത്തുനിന്ന് കടത്താന്‍ ശ്രമിച്ച 11 കിലോയോളം സ്വര്‍ണമാണ് വിമാനത്താവളത്തില്‍ പിടികൂടിയത്. കോട്ടില്‍ പ്രത്യേക അറയുണ്ടാക്കി സ്വര്‍ണം കടത്താന്‍ ശ്രമിച്ച തിരുവനന്തപുരം സ്വദേശിയില്‍നിന്ന് അഞ്ച് കിലോ സ്വർണം എയര്‍കസ്റ്റംസും കഴിഞ്ഞ ദിവസം തമിഴ്നാട് സ്വദേശിയിൽനിന്ന് നാല് കിലോ സ്വർണം ഡി.ആര്‍.ഐ സംഘവും പിടികൂടിയിരുന്നു. മൂന്ന് സംഭവങ്ങളും കേന്ദ്ര എജന്‍സികള്‍ക്ക് കിട്ടിയ രഹസ്യവിവരത്തി​െൻറ അടിസ്ഥാനത്തിലായിരുന്നു പിടികൂടിയത്.