ഹയർസെക്കൻഡറി മൂല്യനിർണയ ക്യാമ്പ്​ മാറ്റണം -കെ.എച്ച്​.എസ്​.ടി.യു

തിരുവനന്തപുരം: ഹയർസെക്കൻഡറി ഒന്നാം വർഷ ഇംപ്രൂവ്മ​െൻറ് പരീക്ഷയുടെ മൂല്യനിർണയ ക്യാമ്പുകൾ അനുേയാജ്യമായ തീയതിലേക്ക് മാറ്റണമെന്ന് കെ.എച്ച്.എസ്.ടി.യു സംസ്ഥാന കമ്മിറ്റി ആവശ്യപ്പെട്ടു. ആഗസ്റ്റ് 13നാണ് മൂല്യനിർണയ ക്യാമ്പുകൾ തുടങ്ങാൻ തീരുമാനിച്ചത്. സേ പരീക്ഷ, മൂല്യനിർണയം, പുനർമൂല്യനിർണയം, ഇംപ്രൂവ്മ​െൻറ് പരീക്ഷ ഡ്യൂട്ടികൾ, കാലവർഷക്കെടുതി എന്നിവ കാരണം അധ്യയനദിനങ്ങൾ നഷ്ടമായത് പരിഗണിച്ച് ക്യാമ്പുകൾ മാറ്റണമെന്ന് ഭാരവാഹികൾ ആവശ്യെപ്പട്ടു.