ടെക്‌നോപാർക്കിൽ ഓണത്തിന് പ്രതിധ്വനിയുടെ റൈസ് ബക്കറ്റ് ചലഞ്ച് മേയർ വി.കെ. പ്രശാന്ത് ഉദ്​ഘാടനം ചെയ്തു

കഴക്കൂട്ടം: ടെക്‌നോപാർക്കിലെ ഐ.ടി ജീവനക്കാരുടെ ക്ഷേമ സംഘടനയായ 'പ്രതിധ്വനി' ഓണാഘോഷ പരിപാടികളുടെ ഭാഗമായി നടത്തുന്ന റൈസ് ബക്കറ്റ് ചലഞ്ചി​െൻറ ഉദ്ഘാടനം മേയർ വി.കെ. പ്രശാന്ത് നിർവഹിച്ചു. 10 ടൺ അരി സംഭരിക്കാൻ ടെക്‌നോപാർക്ക് ജീവനക്കാരെ അദ്ദേഹം ചലഞ്ച് ചെയ്തു. ചലഞ്ച് എറ്റെടുക്കുന്ന ജീവനക്കാരിൽ നിന്നും ലഭിക്കുന്ന അരി സ്ഥാപനത്തിലെ ഐ.ടി ഇതര ജീവനക്കാർക്കും, കുട്ടനാട്ടിൽ ദുരിതമനുഭവിക്കുന്നവർക്കും ഓണസമ്മാനമായി നൽകും. ചലഞ്ച് ബുധനാഴ്ച ആരംഭിച്ച് 21ന് സമാപിക്കും.