വെള്ളറടയിൽ കുന്നിടിക്കലും പാടശേഖരം നികത്തലും തകൃതി

വെള്ളറട: എസ്.ഐ അവധിയിൽ പ്രവേശിച്ചതോടെ പ്രദേശത്ത് കുന്നിടിക്കലും പാടശേഖരം നികത്തലും തകൃതി. മണ്ണ് മാഫിയ ബിവറേജിന് സമീപത്തെ കുന്ന് ഇടിച്ച്‌നിരത്തുകയും ചൂണ്ടിക്കലില്‍ പാടശേഖരം നികത്തുകയും ചെയ്തു. രാത്രിയുടെ മറവിലാണ് മണ്ണ് മാഫിയ വിലസുന്നത്. വെള്ളറട മണതോട്ടം സ്വദേശിയുടെ നേതൃത്വത്തിലാണ് പ്രവൃത്തികൾ നടക്കുന്നതെന്ന് പ്രദേശവാസികള്‍ പറഞ്ഞു. മാഫിയയെ അധികൃതർ ഇടപെട്ട് നിയന്ത്രിച്ചിെല്ലങ്കില്‍ പ്രതിഷേധ പരിപാടികള്‍ സംഘടിപ്പിക്കുമെന്ന് കളത്തറ പാടശേഖരസമിതി അറിയിച്ചു.