കെ.ടി.സി.ടി ആശുപത്രിയിൽ മുലയൂട്ടൽ വാരാചരണം

കല്ലമ്പലം: കെ.ടി.സി.ടി ആശുപത്രിയിലെ ശിശുരോഗവിഭാഗത്തി​െൻറയും ഗൈനക്കോളജി വിഭാഗത്തി‍​െൻറയും ആഭിമുഖ്യത്തിലുള്ള മുലയൂട്ടൽ ബോധവത്കരണ വാരാചരണത്തിന് തുടക്കമായി. ഡോ. മണിയമ്മ ഉദ്ഘാടനം ചെയ്തു. ട്രസ്റ്റ് കൺവീനർ എം.എസ്. ഷെഫിർ അധ്യക്ഷത വഹിച്ചു. ചെയർമാൻ എ. നഹാസ്, ഡോ. സെമ്മിനോബിൻ, ഡോ. ശ്രീകണ്ഠൻ എന്നിവർ പെങ്കടുത്തു. 'ദിവസവേതനക്കാരായ ഡ്രൈവർമാരെ പുനരധിവസിപ്പിക്കണം' കല്ലമ്പലം: ത്രിതല പഞ്ചായത്തുകളിൽ ദിവസവേതന ഡ്രൈവർമാരെ പിരിച്ചുവിട്ട് പി.എസ്.സി നിയമനം നടത്തിയതിലൂടെ പട്ടിണിയുടെ വക്കിലായവരെ പുനരധിവസിപ്പിക്കാൻ നടപടിയെടുക്കണമെന്ന് ത്രിതല പഞ്ചായത്ത് ഡ്രൈവേഴ്സ് യൂനിയൻ ആവശ്യപ്പെട്ടു. ജില്ലയിലെ 53 ത്രിതല പഞ്ചായത്തുകളിലായി നൂറോളം ദിവസവേതന ഡ്രൈവർമാർ വർഷങ്ങളായി ജോലിചെയ്തുവന്നിരുന്നവരാണ്. ഈ ജോലിയിൽ നിന്നുള്ള വരുമാനം പ്രതീക്ഷിച്ച് പലരും ലോണെടുത്ത് വീടും വസ്തുവും വരെ വാങ്ങിയിട്ടുണ്ട്. ഇത്തരുണത്തിലാണ് സർക്കാർ ഒരു മുന്നറിയിപ്പും കൂടാതെ ഡ്രൈവർമാരെ പി.എസ്.സി വഴി നിയമിച്ചത്. പ്രതീക്ഷയോടെ കാത്തിരിക്കുകയാണെന്നും യൂനിയൻ ഭാരവാഹികളായ എസ്. രാജേഷും അൻസാരിയും പറഞ്ഞു.